أغاني الأفراح في الريف المصري

خَلّي بالك"

النهاردة مش جايين نخوفكم، إحنا جايين 'نصحصحكم'. السرقة في مصر مابقتشخَلّي بالك"

النهاردة مش جايين نخوفكم، إحنا جايين 'نصحصحكم'. السرقة في مصر مابقتش بس 'خطف واجري' زي زمان، لأ.. دي بقت فن وهندسة وتكنولوجيا كمان! وعشان 'الحرص واجب'، لازم نعرف الحرامي بيفكر ازاي عشان نكون إحنا سابقينه بخطوة."

إحنا بقينا بنسمع جمل غريبة اليومين دول.. "دي شطارة"، "دي فلوهة"، "ده هي حتة قلم من الشغل يعني هيجرى إيه؟". بس الحقيقة إن الدين مبيعرفش "حتة" و"شوية". السرقة هي السرقة، سواء كانت جنيه أو مليون.

الدين بيقول إيه؟

ربنا سبحانه وتعالى في القرآن الكريم، وسيدنا النبي ﷺ في أحاديثه، قفلوا الباب ده تماماً. ليه؟ عشان المجتمع مياكلش بعضه.

الستر والبركة

الرزق ده بتاع ربنا، والواحد لما بيمد إيده على حاجة مش بتاعته، هو مش بيزود فلوسه، هو بيشيل "البركة" من حياته.

عقوبة صعبة: الدين حط حدود قوية للسرقة عشان يحمي تعب الناس وشقاهم. الرسول ﷺ قال: "لو أن فاطمة بنت محمد سرقت لقطعت يدها". ده معناه إن مفيش حد فوق القانون الإلهي، والعدل بيمشي على الكل.


1- تثبيت" في وضح النهار (السرقة بالإكراه)

ده بقى اللي بيطلع بـ "مطوة" ولا "فرد" ويقولك "طلع اللي معاك". دي سرقة عيني عينك وبتعتمد على الرعب. في القانون دي جناية، وفي العرف دي قمة "الندالة".

تثبيت الموبايلات (النشل السريع): ودي مشهورة في المترو أو الزحمة، تكة واحدة والموبايل يطير من إيدك وأنت مش حاسس،


2- النشل" (إيد خفيفة وسط الزحمة)

ده فنان المترو والأتوبيسات. تلاقيه واقف جنبك بمنتهى الأدب، وأول ما تنزل تكتشف إن "المحفظة طارت". ده بيعتمد على "الخفة" وإنك تكون مش مركز أو "نايم على نفسك".

3- الحرامي الطيار" (خطف واجري)

اللي راكب موتوسيكل أو توكتوك ويخطف الشنطة من إيد واحدة ماشية أو الموبايل من إيد حد بيتكلم. ده بيعتمد على عنصر المفاجأة والسرعة، وغالباً بيسيب ضحيته في حالة ذهول.

تخيل تبقى ماشي في المترو أو في المول، وواحد يعدي من جنبك "يلمس" شنطتك بس، تلاقي جالك رسالة بسحب مبلغ من الفيزا! دي تكنولوجيا اسمها الـ RFID. 

الحرامي معاه جهاز صغير بيلقط بيانات الكارت "اللا تلامسي" (Contactless) وأنت ماشي.

· الحل إيه؟ ورق ألومنيوم (فويل) جوه المحفظة بتشوش على الإشارة دي.

2. سرقة العربيات بالـ Relay Attack

يا صاحب العربية اللي بتفتح بالبصمة (Keyless)، اسمع دي. الحرامية دلوقتي معاهم جهازين؛ واحد بيقف جنب باب بيتك يلقط إشارة المفتاح اللي محطوط جوه على الترابيزة، والتاني يقف جنب العربية يفتحها ويدورها ويمشي ولا من شاف ولا من دري!

الحل إيه؟ حط مفتاح عربيتك في علبة صفيح أو جراب "" بيمنع خروج الإشارة وأنت في البيت.


4- سرقة البيوت" (حرامي الشقق)

ده اللي بيراقب البيت ويعرف العيلة بتخرج إمتى، وينط من المنور أو يكسر القفل. في مصر بنسميه "حرامي الغسيل" لو سرق حاجات بسيطة، بس الموضوع بيبقى كبير لو دخل على "الدهب والتحويشة".

5-النصب" (السرقة بالشياكة)

ده بقى "الحرامي اللي لابس بدلة". مبيستخدمش مطوة، بيستخدم لسانه. يقنعك بمشروع وهمي، أو يبيعلك الهوا في ازايز، أو يبعتلك رسالة "مبروك كسبت جايزة" عشان ياخد بيانات فيزتك. ده بيسرقك وأنت "مبتسم".

-6 سرقة "المجهود" (السرقة الأدبية)

دي منتشرة جداً على السوشيال ميديا. واحد يتعب في كتابة بوست أو فكرة فيديو، ويجي حد تاني ياخدها "Copy-Paste" وينسبها لنفسه. دي سرقة "فكر" وبتحرق دم المبدعين جداً.



والسرقة بتبدأ من حاجات صغيرة.. يعني اللي بيزوغ من شغله، ما دي سرقة وقت بياخد عليه مرتب. اللي بياخد "فكرة" زميله وينفذها هو، ما دي سرقة فكرية. الحكاية مش بس "إيد بتمتد في جيب غيرها".

· "المال الحرام مابيدومش"، وزي ما أهالينا زمان قالوا: "يا داخل بين البصلة وقشرتها، ما ينوبك إلا ريحتها".. أهو الحرامي بقى بياخد الريحة الوحشة والسمعة الزفت وفي الآخر "كله بيطلع على مفيش".


7 - سرقة "الخدمات"

زي اللي "بيوصل وصلة نور" من ورا العداد، أو يفتح مية من الماسورة العمومية. دي سرقة مال عام، وفي الآخر بتأثر على جودة الخدمة للكل.

8- سرقة "الوقت" (التزويغ)

دي بقى بنشوفها في المصالح الحكومية أو الشركات. الموظف اللي يمضي "حضور" ويختفي، أو يسيب شغله ويقعد يحكي في التليفون وسايب مصالح الناس تتعطل. ده بياخد مرتب على وقت هو مصرفهوش في الشغل.


· أولاً: أساليب السرقة (الفهلوة والنصب)

الحرامي دلوقتي بقى بيلبس شيك وبيلبس وش 'ابن الناس الطيبين'. تعالوا نشوف أشهر الطرق اللي بتحصل اليومين دول:

1. 'المساعدة الوهمية': تلاقي حد بيوقفك في الشارع يقولك 'يا أستاذ في حاجة وقعت منك' أو 'هدومك عليها بقعة'، وأنت بتلتهي تنضفها يكون هو عمل 'الواجب' مع محفظتك.

2. السرقة الإلكترونية: ودي 'موضة' السنة دي.. يجيلك تليفون يقولك 'أنا من البنك والفيزا بتاعتك وقفت'، وطبعاً لو اديته الكود (OTP) يبقى عليه العوض في قرشيناتك."

· ماكينة الـ ATM والسرقة الشيك"

· دلوقتي بقى فيه أجهزة صغيرة بتتحط فوق فتحة الكارت في الـ ATM بتنسخ بيانات كارتك، وكاميرا ميكروسكوبية بتصورك وأنت بتكتب الباسورد.

تعمل إيه؟ وأنت بتكتب الرقم السري، غطي إيدك بالتانية. عاين المكنة كويس قبل ما تحط الكارت، لو لقيت شكلها غريب أو فيها حتة بلاستيك زيادة، سيبها وامشي."
ولو لقيت حد لازق في ضهرك، قوله بكل ذوق 'ممكن ترجع ورا شوية ؟'.

· "نصب الأونلاين (الاستلام مش زي الصورة)"

طبعاً كلنا بنحب الشوبينج، بس تطلب 'أيفون' يجيلك 'علبة صلصة' دي صعبة! أو تطلب منتج وتدفع 'عربون' وبعدها الصفحة تختفي والـ (Block) المتين يترزع في وشك.

الحل: مفيش حاجة اسمها دفع مقدم لصفحة مجهولة. الاستلام والمعاينة قبل الدفع هما الأمان."

· لينك "المنحة الحكومية"

طبعاً مفيش أكتر من لينكات "منحة العمالة غير المنتظمة" أو "وزارة التموين بتوزع كراتين". 

تفتح اللينك، تلاقي شكل الموقع حكومي جداً، يطلب بياناتك.. وفجأة تلاقي حساباتك على السوشيال ميديا اتسرقت أو موبايلك بقى "مكشوف" للي باعت اللينك.

· سبوبة "العمل من البيت"

دخلنا بقى في "الشغل الأونلاين". تلاقي رسالة على الواتساب من رقم غريب (غالباً من بره مصر): "عايز تكسب 5000 جنيه في اليوم وأنت قاعد في التكييف؟ بس اعمل لايك لفيديوهات يوتيوب".

في الأول هيديك 50 جنيه فعلاً عشان يطمعك، وبعدين يقولك: "عشان نترقى للفل التاني، حولنا 2000 جنيه وهنرجعهملك 3000". وأول ما تحول.. "بلوك" جميل، وتكتشف إنك بقيت في "ليفل الوحش" لوحدك.


إزاي تحمي نفسك؟

"طيب، إحنا عرفنا بيعملوا إيه.. نعمل إيه إحنا بقى؟ خد عندك الكلمتين دول وحطهم حلقة في ودنك:
في الشارع: شنطتك دايماً تبقى 'كروس' وقدامك مش وراك، وموبايلك مايطلعش في حتة ضلمة أو زحمة زيادة عن اللزوم.

على السوشيال ميديا: مفيش بنك في مصر هيطلب منك الباسورد في التليفون.. انسى! لو حد كلمك قوله 'أنا هروح الفرع بنفسي'."


في الآخر يا جماعة، النصاب مش أذكى منك، هو بس بيلعب على 'الطمع' أو 'الخوف'. لو حد عرض عليك حاجة أحلى من إنها تتصدق، يبقى غالباً وراها فخ.

خلو بالكم على نفسكم، وعلى موبايلاتكم، وعلى شقا عمركم. استنونا الحلقة الجاية في (خَلّي بالك) عشان نعرف إزاي نحمي نفسنا من جرايم الإنترنت."


نصيحة "من الآخر"

يا جماعة، الحرامي بيدور على 'الثغرة'، والغلابة والمأمنين هما الصيد السهل. خليك دايماً واعي للي بيحصل حواليك، ولو حد غريب حاول يتقرب منك بزيادة أو يشتتك، شك فيه فوراً.. الشك في المواقف دي 'نجاة'.